شهامة للبيع

ظللت طوال الفترة التي عشتها في القاهره ( مصر كما نسميها في بلادنا ) مطالب بأن ابتسم واردد " الله يخليك " فور أن أعلن عن هويتي الصعيدية - السعيدية - كما تسميها الفتيات في مصر - وخد عندك " أحسن ناس ، أجدع ناس ، أرجل ناس - ولو أني يصيبني قرف أذني لسماع لفظ رجل علي صيغة أفعل

الشهامة يا سادة لا وطن لها ، وليس كل صعيدي شهم ، ولا كل شرقاوي كريم ، ولا كل اسكندراني دمه تقيل ، ولا كل ........... ندل

وليس كل صعيدي دماغه مجبسه ، ولا نتكلم بالطريقة الكاريكاتورية التي تسمعونها في مسلسلات رمضان وعمو " ذئاب الجبل " باجزائها الثلاثة " الفرار من الحب ، والضوء الشارد ، والليل واخره "

المهم الشهامة كما اكتشف اينشتين منذ القدم " نسبية " ولكي تصدقوا كلامي سوف احكي لكم عن عم علي ، عم علي كان غفير علي قصر البارون بعد موضوع اخوانا عبدة ابليس المهم الأمن كان بيقف زنهار بعد الحكاية دي بفترة لحد ما زهق فسلم الحماية لعم علي ، عمي علي من الصعيد ولا مؤاخذة الجواني شوفوا شهامة ولاد البلد يا سادة عمي علي ( لاحظوا أنني متحفظ أن أقول عمكم علي ) بيخلي الشباب الغلبان اللي ضاقت بيه الطرق ينام في القصر ودا طبعا يساع الوفات

يا سلام علي الشهامة بس عمك علي لما رحت احييه لما سمعت عنه الكلام دا كله قاللي

" يا ابنى الناس لبعضيها ولازم نشيل بعض يعني انت لو مش بلديات وجاي لي في الليل كنت خدت منك مش اقل من 100 جنيه "

وفجأة سألني العم علي الشهم جدا " امال فان الابلة اللي معاك ؟ "